LEGAZPI CITY – Ipinahiling kan 9 na mga Bicolanong empleyado kan gobyerno an tibay sa pagpinta sa painting contest sa sarong mall sa Legazpi City katakod kan ika-123rd Philippine Civil Service Anniversary.
Segun kay Civil Service Commission (CSC) Bicol Regional Director Daisy Punzalan-Bragais, ini an primerong isinagibong painting contest katakod kan saindang anibersayo.
Obheto kaining maipahiling an talento kan mga Bicolanong Civil Servants bako lang sa pagtaong serbisyo sa publiko.
Makaugma su boot na maheling an gabos na entries sa siyam na contestant huli ta mga empleyado, dai sana nagtatao nin serbisyo o nagigibo nin report, kundi igwa man sindang mga talento.
Segun pa kay Bragais, an sarong civil servant, igwa nin puso sa pagsirbi, dae pwede an pirming dagit sa mga empleyado asin may respeto sa mga cliyente asin katrababaho.
Mientrastanto, tema kan aktibidad an “The public service in the next decade”, na nagpapahiling kan resilience, agility asin dynamism.
