Ginbawian naman sang kabuhi ang 24-anyos nga driver-suspek sang motorsiklo nga nakabunggo-patay sa mag-asawa sa Barangay Bolo, Roxas City.
Ginkilala ang napatay kay Joselito Caballero Dela Cruz, nga residente sang Sitio Crossing, Barangay Cagay, sining siyudad.
Matandaan nga natabo ang aksidente sang nakaligad nga Mayo 18, takna ala 1:45 sa kaagahon kun sa diin ginatudlo nga rason sang pagbungguanay ang pag-agaw sang linya sang motorsiklo nga ginamaneho ni Dela Cruz sa kasugata nga motorsiklo sang mga biktima.
Dead on arrival sa ospital ang mag-asawa nga sanday Arante kag Erlyn Tumanday nga naka-angkon sang patal nga pilas bangud sa impact sang bunggoanay samtang pilason kag padayon nga ginabulong subong ang anak nila nga si Aryan Aline Tumanday, 22-anyos lunsay residente sang Barangay Rizal, Pontevedra, Capiz.
