Patay ang isa ka tigulang nga lalaki matapos ginaalegar nga nalumos sa Barangay Vizcaya, President Roxas, Capiz.
Ginkilala ang napatay kay Terisito Balasa, mangingisda kag residente man sa amo nga barangay.
Sandig sa impormasyon nagikan sa otoridad, nagpangayo sang bulig sa barangay ang himata sang biktima rason nga nagpatigayon si Punong Barangay Melchor Obal sang search and rescue operation.
Nasapwan nila nga wala na sang kabuhi si Balasa sa nasambit nga lugar. Ginapahayag nga alas-6 sang aga ulihi nga nakita ang biktima matapos ini nga naglaong agud magharvest sang isda ukon Taba apang alas-3 na sang hapon wala sa gihapon si Balasa nakapauli.
Nagapati naman ang pamilya sini nga gin-atake ang biktima sang ginasupreher sini nga balatian nga hypertension rason sang iya kamatayon.
Sa karon,yara na ang bangkay ni Balasa sa isa ka punerarya. | KMD Gicalde
