Naka estorya en ru 1 sa 4 nga missing nga mga pasahero it pumpboat nga Honey matapos hampason it mabaskog nga humbak sa kadagatan it boundary Yapak sa Boracay patabok sa Hambil Romblon.
Suno sa survivor nga si Rolito Casidsid, tag-ana it pumpboat ag boat captain, nasudlan it tubi ru pumpboat rason nga kumueob ag ku ulihi hay nag eogdang.
Apang, naka sakay gihapon sanda sa pumpboat ag ikara anang gin hueogan it angkla apang uwa eon naka abot sa idaeom nga parte it baybayon rason nga ana lang nga gin pabay-an hasta naka abot sa Simerara maeapit sa parte it Caluya, Antique.
Ikara eon konta sanda maka pabulig apang uman eo man nga gin huyop it hanging Habagat hasta naka abot sa open sea.
Ikara amat-amat eon nga naduea-an it pag-eaom matapos nga magkaeaduga ru 3 iba pa.
Gin komperma ni Casidsid nga ru anang mga kaibahan hay namatay sa dagat matapos ru haeos 3 adlaw nga naga paeotaw-eotaw sa baybayon.
Sa makaron, sa pag hinakop pa it pilang ka mga residente it Brgy. Cocoro ,Magsaysay, Palawan ru survivor nga si Casidsid.//MARIVIC Y. ILIN
