Kinasuhan eon ru 1 sa 2 mga suspek sa pagpamuno ag pag bakoe sa biktima nga nagsampit it tagay sa Sitio Baybay Brgy. Polo, New Washington, Aklan.
Kasong Attempted Homicide ru gin pasaka nga kaso kontra kay Mark Leo Ombao y Asis ”Alyas Puyo”, sa legal na edad ag residente it nasambit nga lugar.
Naga balor it P30K nga pyansa ru gin taeana it korte para sa tempraryong kahilwayan it wanted nga persona.
Kun matandaan, si Ombao ru gina turo nga suspek sa pagbuno ag pagbakoe sa biktimang si Roilan Estoya y Villanueva, 26 anyos, tubong Nabas, Aklan apang presenting naga estar sa nasambit nga lugar.
Raya hay matapos sampiton nga magtagay it biktima ru suspek sa nasmabit nga lugar sa kasagsagan it kapiestahan ni San Juan Bautista.
Samtang,naga pabilin pa nga at large ru sambilog pa nga suspek nga nakilaeang si Burc Vincent Natal y Equiña ”Alyas Ampoy” matapos makapaeagyo sa lugar.//MARIVIC Y. ILIN
