Insigida nga ginbuligan it sangka pulis sa Iloilo ro sangka unga nga babaye nga naigpit ro siki sa ginasakyan kara nga bisikleta.
Sa report, sakay it bisikleta ro sangka 8 dag-on nga unga nga babaye kaibahan ro anang ama pauli eon kunta sa andang baeay sa Brgy Lanit, Jaro, Iloilo City.
Pero pag abot nanda sa may Jaro, Iloilo City, aksidenteng na-trap ro anang waea nga siki sa tunga it radius it rear wheel, nga nagresulta sa pagkanina it anang waea nga siki.
Sa mayad nga swerte hay igto man sa nasambit nga lugar si PLTCOL VINCENT CAVAN, Chief PE it Regional Medical and Dental Unit 6 nga insigidang nagbulig sa unga nga nagpatigayun it emergency minor surgery para mapundo ro pagdugo it nina sa siki it nasambit nga unga.
Nagtao pa ro nasambit nga pulis it pilang mga bueong para sa impeksyon ag ginhambaean nga bumisita ro unga sa RMDU6 sa Camp Delgado para sa follow-up check-up. / ANN DESLENE SALAZAR
