MAGAMIT sa mga motorista sugod sunod bulan ang gitukod nga national Highway junction Mabuhay under pass project.
Human nagpaabot ug updated construction report ang Vicente Lao Construction Incorporated sa buhatan sa mayor ning siyudad.
Basi report nga gisugdan na ug semento sa contructor ang outside lane pagawas sa syudad samtang mao usab sa incoming lane. Kung magamit na ang under pass mas moluag na unya ang trapiko sa siyudad. Hinuon magpabilin nga sarado ang portion sa Dacera road tungod padayon ang construction.
Giklaro ni Atty. Franklin Gacal Jr., nga magpadayon ang pagtrabaho sa P650 milyon nga proyekto. Gikwestyon sa konseho sa siyudad ang pagtuman sa contructor sa calendar days sa construction human nalangan ang pagpahuman Gensan Airport lakip ang dalan nga magsumpay sa City Heights ug Apopong dakbayan. I Richel Gubalani
