PATAY ang usa ka lalaki human nakaangkon og 20 ka samad dinunggaban sa nagkadaiyang bahin sa kalawasan.
Ang maong lalaking napalgan patay sa bagnutang bahin sa Purok San Juan, Barangay Baliton, Glan Sarangani Province, alas-7:48 ganinang buntag. Giila ni Police Capt. Rey Rodrigo, deputy commander sa Glan Municipal Police Station ang namatay nga si Jemark Torillas Roxas, 18-anyos, taga Purok Mabuhay, Barangay Poblacion, Maitum sa maong probinsiya.
Matud ni Rodrigo, gitawagan kanila sa usa ka concern citizen nga dunay napalgang patay nga lawas sa Purok San Juan, Baliton, Glan. Dugang ni Rodrigo, dunay kasong carnapping ang nasangpit nga gipasaka na sa korte sa probinsiya atong mayo ning kasamtangang tuig.
Samtang, giimbestigahan karon sa kapulisan sa presinto ang motibo sa krimen. I Richel Gubalani