GIDAKOP sa kapulisan sa San Isidro ang usa ka babaye nga taga Digos City gumikan sa iyang kaso nga giatubang unya adunay warrant of arrest gikan sa korte.
Subay sa talaan sa San Isdro Police Station ang gidakop mao si Josephine Balawag, 29-anyos, walay bana ug taga Luna Extension, Digos City.
Subay sa warrant of arrest nga permado ni Hon Judge Oscar Noel Jr. sa Regional Trial Court Branch 35 pinitsahan Mayo 31, 2023, ang kaso sa akusado Qualified Theft ug nagkinahanglan siya og P40 mil pesos nga pyansa alang sa iyang temporaryo nga kagawasan.
Gipangunahan ni PCapt Danny Balofiños ang pagsilbi sa kamandoan sa korte sa Purok Placeda, Barangay Calumpang Agosto 15 sa kaadlawon. I Ver Diazon
