Gin umpisahan ku September 14, 2023 ro first wave it payout para sa mga apektadong rice retailers sa probinsya it Aklan sa Aklan Trade Hall, Kalibo, Aklan bilang sabat sa direktiba it presidente nga nakabaehag sa Executive Order No. 39.
Nakaangkon it 100% payout turnout bangud ro tanan nga natumod ag na-validate nga mga benepisyaryo hay sumunod sa mga kinhangeanon nga dokumento.
Nagtambong sa payout session sanday DTI Aklan Provincial Director Ma. Carmen I. Iturralde, DSWD Sustainable Livelihood Program National Project Management Office (SLP NPMO); DSWD VI Aklan provincial government, DILG Aklan; Department of Agriculture Regional Region 6; NFA Aklan; Provincial Agriculture ag PIA Aklan.
Tinutuyo it cash assistance nga mabuligan ro mga micro enterprises nga mabuhinan ro andang pagkalugi kasunod it pagpatuman it Mandated Price Ceiling. // ANN DESLENE SALAZAR
