Natuklasan sa Pilipinas ang unang kumpirmadong kaso ng Omicron subvariant na XBB.1.5 na sinasabing pinakanakakahawang variant ng virus na nagdudulot ng COVID-19.
Sa pinakahuling ulat ng COVID-19 biosurveillance ng Department of Health, 196 sa 1,078 na mga samples na na-sequence noong nakaraang linggo ang inuri bilang XBB kabilang ang isang kaso na na-tag bilang XBB.1.5.
Nauna nang sinabi ng technical lead ng World Health Organization, na ang XBB.1.5 ay offshoot ng subvariant ng Omicron XBB variant na most transmissible subvariant.
Na-detect din ng DOH ang 454 na kaso ng Omicron subvariant BA.2.3.20, 79 na kaso ng XBC, 28 na kaso ng BA.5, at pitong kaso ng BA.2.75.//CA
