Pilason ang isa ka ice cream vendor matapos ginpulihan sang labo kag buno sang iya mga ugangan sa Barangay Malag-it, Pontevedra, Capiz takna alas 10:00 sang aga kahapon sang Miyerkules.
Ginkilala ang biktima kay Benjie Villasin, 33-anyos, residente sang Barangay Tacas, Pontevedra, Capiz samtang ang mga suspek amo sanday Bernardo Dela Cruz, 67 anyos, kag Julieta Dela Cruz, 57 anyos.
Sandig sa inisyal nga imbestigasyon sang Pontevedra Municipal Police Station, una nga nag-away ang biktima kag iya nga asawa nga bata sang mga suspek kun sa diin ginaalegar ginsampugol ni Villasis ang iya misis.
Nakit-an ini sang ginikanan sang babaye rason nga ginlabu ni Bernardo si Benjie sa likod gamit ang sanduko kag ginbuno naman ini ni Julieta sa natuo nga porsyon sang iya nga lawas. Gindala sa Bailan District Hospital ang biktima agud dapatan sang pagbulong samtang boluntaryo nga nagsungka sa otoridad ang mag-asawa. | Judy Ann Juare
