LAING hugna na usab sa End Stunting Now Activity ang nahimo sa Brigada Gensan sa sulod sa Family Planning Unit sa Dr. Jorge P. Royeca Hospital buntag sa Hunyo 14, 2023.
Ang tanan nakadawat og infant kits, nakakaun og arrozcaldo unya usa ka mabods ang ma swerte nga nabunot alang sa usa ka libo ka pesos nga pahalipay unya usa ang swerte usab nga nabunot alang sa libre nga ultrasound.
Ang nakakuha sa libre nga ultrasound mao si Precy Seno Mendoza, 35-anyos nga taga Silway, Barangay Dadiangas West.
Ang ikaduhang winner mao si Ritchelyn Dagoy gikan sa Purok Bagong Silang, Barangay Labangal, naa daw siya pampalit og bugas sa iyang nadaugan.
Luwas sa raffle draw lima usab ka mga mabdos ang nagpakita sa ilang abilidad sa pagsayaw,mao nga nakadawat usab sila og pahalipay nga kwarta.
Gidasig usab ni Brigada Baby Kho ang mga mabdos nga mahimong happy samtang sila nagalawig sa kahimtang sa usa ka inahan nga ma mabdos.
Gipahibalo kanila ang kamahinungdanon sa pag atiman sa kabataan aron nga modaku nga sakto sa gitas-on aron malikayan ang pagka bansot.
Kanunay usab nga gina promote ni Midwife II Merchel Gabonada sa matag higayon sa ilang pre-natal orientation ang importansya sa breastfeeeding alang sa utok ug panglawas sa kabataan. I Ver Diazon
