NAGPAABOT og reklamo ang usa ka texter sa 89.5 Brigada News FM Gensan may kalabotan sa SSS remittance sa driver sa usa ka transport coop nga nagk problema.
Sumala sa texter nga gipili nga di magpaila nga ang mga driver sa Ladotransco ginakaltasan matag bulan og P430.00 apan wala matud pay remittance sa Social Security System.
Ang tubag sa General Manager sa LADOTRANSCO nga si Robert Cang, tinuod ang mao nga impormasyon,nagka problema sila sa kasagsagan sa pandemya, luwas nga hinay ang byahe gumikan sa mga lockdowns naglisod sila sa pag repair sa ilang mga unit nga naguba, unya ang piyesa gikan sa abroad.
Walo ka bulan nga wala sila naka remit sa SSS mao nga gisulatan usab sila sa taga SSS bahin niini mao nga nakighusay sila ug niuyon man ang SSS nga mag isyu sila post dated nga tseke mao nga nakabayad na sila og katunga.
Gidugang ni Cang nga sa adunay pangutana nga ilang membro unya wala makatambong sa ilang mga meeting, moadto lang sa ilang opisina ug ilang pasabton sa problema ug sa solusyon.
Sa bahin sa taga Social Security System kon SSS gikumperma ni Senior Analyst Noel Nacion nga tinuod nga nagpadala sila og Billing Letter sa Ladotransco aron mobayad sa remittance,ug sa karon installment basis ug wala pa nahuman ang pagbayad. I Ver Diazon
