Gikasuhan na og murder ang ulitawo nga si John Christopher Joseph kinsa suspek sa pagpatay sa iyang karelasyong 19-anyos nga si Joruel Angelo Lo-ay.
Pursigido ang inahan sa biktima nga iduso ang kaso batok sa suspek nga gibalhog na karon sa Toril Police Station ilabi na nga bugtong niyang anak ang napatay.
Una niini, Lunes sa gabie gidala sa amahan sa presinto ang anak nga suspek human kini niangkon nga siya ang nagpatay kang Joruel niadtong Agosto 20,2021 nga iyang gibiyaan sa kilid sa sapa sa San Vicente Ferer Barangay Mulig, Toril District.
Sa pakighinabi sa Brigada News Team sa kabanay sa biktima, nagkuyog pa ang duha niadtong Huwebes sa riverside sa Mulig apan natigayon matud pa ang panag-away sa duha nga misangko sa pagdunggab sa sa suspek sa biktima.
Dugang pa nga human napatay, yano ra niining gitabunan og dahon si Joruel ug gibiyaan samtang giprenda matud pa sa suspek ang cellphone sa kantidad nga P7,000.00.
Wala usab nagdahom ang mga higala sa biktima nga mosangko sa krimen ang relasyon sa duha. BNFM-DAVAO
