MISALIG ang labaw sa kapulisan nga makapangeta og paagi ang mga ‘commander’ aron makasunod sa mandu sa Korte Suprema. Kalabut sa pagpasuot na og body cameras sa mga pulis sa tanang operasyon nga himoon sugod atong Agosto 01.
Sa pagbisita sa Police Regional Office (PRO-12) , gibutyag ni Police Gen. Guillero Eleazar, Chief PNP kulang ang ‘device’ nga naa ang kapulisan sa kasamtangan.
Sa imbentaryo sa PNP, naa lang sa 2,696 body camera ang naa sila o naa 8% ang kapalidad. Luyo niini, gihimong prayoridad sa pangulohan sa PNP ang paghatag sa body cameras sa mga city police stations. Apan mahimong mogamit og ubang alternatibong recording ‘devices’ ang maka-comply sa mandu sa Korte Suprema.
Luyo niini, gisiguro ni Eleazar ang pagsunod sa rekisitos aron ipakita sa publiko ang ‘transparency’ ug ‘accountability’ sa ilang operasyon. Ang mandu sa Supreme Court ang nanukad sa kontrobersyal nga isyu sa ‘nanlaban’ sa mga anti- illegal drugs operation sa kapulisan.
Sa General Santos City Police Office (GSCPO), dunay 16 ka body camera nga alokasyon apan wala pa nagamit tungod depektibo. Kahibaloan nga epektibo ang maong mandu atong Agosto 1 human kini nagmantala sa pahayagan.
Ang rules ang nag-require sa PNP sa pagsuot og usa ka body cameras ug usa ka alternative recording device nga i-on sa matag operasyon. ( Richel Gubalani)
