Nakabsan sa iyang kinabuhi ang usa ka ulitawo human nahagbong sa gisakyang truck sa Kapatagan, Digos City, Davao del Sur kaganinang buntag.
Sa report sa Sta. Cruz Municipal Police Station giila ang biktima nga si Kevin Damali, 25-anyos nga taga Barangay Tibulo, Sta. Cruz, Davao sa nasangpit nga probinsiya.
Sumala pa nga naglingkod ang biktima sa atop sa truck sa dihang nawala matud pa sa iyang balanse og didto nahagbong sa sementadong dalan kon asa nabunal ang iyang ulo.
Nakabsan gilayon sa kinabuhi ang biktima og wala na kini madala pa sa ospital gumikan sa kagrabe sa iyang nahiaguman.
Sa pagkakaron gikostodiya sa kapolisan ang drayber sa truck samtang nagpadayon ang imbestigasyon sa kaso. BNFM-Davao
