NAHARANG sa mga personahe sa Task Force Davao Sirawan Joint Checkpoint sa Brgy. Sirawan, Toril, ning syudad ang usa ka dayo nga taga-Nueva Vizcaya nga nagdala og pinaugang dahoon sa marijuana.
Ang dinakpan nailang si Mikhail Lorenz Alvarez Galupo, 30, truck helper, ug residente sa 6 Barracks, District IV, Pob. Bayongbong NUeva Vizcaya.
Sakay ang nahigsutan sa Container Wingvan, ug sa dihang gipailalom sa mandatory inspection nasiplatan sa otoridad ang transparent plastic sachets nga giundan sa pinaugang dahon sa marijuana nga nakasulod sa bag nga iya ni Galupo.
Gibana-banaan nga mitimbang sa 6.9 gramos ang maong marijuana nga dunay Street Value nga Php. 1,173.
Kasamtangan, gikustodiya sa Toril Police Station ug giandam na ang kasong kalapsan sa RA 9165 kon Comprehensive Dangeous Drugs Act of 2002 batok sa dinakpan.
