Inapok ru tricycle matapos mabanggaan it delivery van sa karsadahon it Brgy. Linabuan Sur, Banga, Aklan.
Sa imbistigasyon, nakilaea ru driver it tricycle nga si Shirey Saba, 46 anyos, tricycle driver, residente it Brgy. New Buswang, Kalibo, Aklan.
Gulping nag pondo paliko sa waea nga portion it karsadahon ru tricycle rason nga nabanggaan it delivery van nga gina maneho ni Frederick Jalalon, 38 anyos ag residente it Sitio Patag, Brgy. Lawaan, Roxas City, Capiz.
Nabanggaan pa gid it tricycle ru saeakyan nga SUV nga gina maneho ni Henry Francisco, 55 anyos.
Naka angkon it lastro sa parte it kaeawasan ag ueo ru biktima nga naga pabilin nga gina bueong sa hospital.
Nagkaeasugot man ru kada panig sa settlement nga paga sabton it delivery van ru mga gastos sa hospital.//MARIVIC Y. ILIN
