Arestado ang isa ka tricycle driver matapos ginkasahan sang drug buy-bust operation sa Brgy. Banica, Roxas City takna alas 5:01 kahapon sang Martes.
Ginkilala ang arestado kay Marco Delos Angeles, 39-anyos, residente sang Brgy. Tiza sining syudad.
Nabaklan sang police poseur buyer si Angeles sang isa ka plastic sachet sang ginapatihan shabu nga nagabug-at sang 0.6 gramo kag nagabalor sang P3,500.
Narekober pagid sa posisyon sang suspetsado ang isa ka plastic sachet sang ginapatihan shabu, P3,500 sa nagkalain-lain nga dinominasyon kag isa ka cellphone.
Nagabug-at tanan sang 13.6 gramos ang mga nakumpiskar nga drug items nga may standard drug prize nga P92,480.
Sa karon, yara na sa kustodiya sang Roxas City PNP si Angeles kag natalana ini nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002. | Judy Ann Juare
