Nakighinun-anon si Governor Fredenil Castro sa mga Learning Support Aides (LSAs) nagikan sa nagkatuhay nga banwa sa probinsya sang Capiz.
Sa interview sang Brigada News FM kay Ms. Noemi Garmino, isa sa mga LSA sa banwa sang Jamindan, ginpahayag sini nga ginpasalamatan ni Gov. Castro ang ila pagserbisyo sa mga buluthuan kag ginpermahan sini ang ila kontrata agud mapadayon ang pagtrabaho.
Sa nahibaluan ang LSAs ang mga kwalipikado nga indibidwal ukon board passer sa LET nga nagaserbisyo kaupod ang mga manunudlo sa paghatag sang ihibalo sa mga estudyante para sa ila ikaprogreso.
Ginakuha ang sweldo sang mga LSAs sa pondo sang Capiz Provincial School Board nga ginapamunuan man sang gobernador bilang Chairman.
Nagtambong man sa sinapol sanday Public Schools District Supervisor, Judith Tu kag Curriculum Implementing Division Chief, Segundina Dollete sang Department of Education, Schools Division of Capiz. | Judy Ann Juare
