LEGAZPI CITY – Laoman an pagruso kan mga tawo asin mga behikulo sa syudad nin Legazpi ngunyan na aldaw katakod kan pagselebrar Valentine’s Day segun sa Public Safety Office (PSO) kan syudad.
Sa intrevista kan Brigada News FM Legazpi kay PSO Chief Ret. Col. Rolly Esguerra, sinabi niya na bako ini ordinaryong aldaw, kun kaya piglalaoman na mas madakol an tawo asin mas dakol na mga behikulo.
Mientrastanto, kasubagong aga, marhay pa man an sitwasyon kan trapiko sa syudad, alagad pig-aantisiparan an pagbabago pagkahapon, oras na magruluwasan na an mga estyudante asin empleyado.
Pagirumdom ni Esguerra, maging alerto asin maingat sa mga papasyaran asin pirmi utubon an mga ley na may kinaraman sa trapiko nganing masiyerto an kaligtasan asin seguridad. | Brigada Interns Franklin Banayo & Maureen Bonanza
