DAKO ang kalipay ug pasalamat sa transport groups sa GenSan ngadto sa taga Land Transportation Franchising and Regulatory Board kon LTFRB kay niabot na ang Pantawid Pasada card nga ayuda gumikan sa sige nga pag-usbaw sa presyo sa lana.
Sa pahayag sa Chairman sa Public Transport Alliance kon PTAG Gensan nga si Robert Cang sumala niini nga niaging semana pa daw niabot ang ilang mga card unya ilang giproseso, nagduso sila sa ilang mga rekositos unya adlaw nga Martes ilang gi-adto sa Land Bank Pioneer kuyog ang ubang mga opisyal sa Transport Coop sa Sarangani Province.
Sa bahin sa Ladotransco adunay paunang 35 ka card ang ilang nadawat unya kapin 100 pa ang kulang kay aduna man silay 157 units.
Gidugang ni Cang nga sa card naka-imprinta gayod ang pangalan sa coop unya ang plaka sa sakyanan, ang himuon sa mga driver sa jeepney nga makadawat og card moadto sa ATM machine sa Land Bank unya i-activate ang ilang cards, sa sulod sa 24-oras magamit na ang ayuda nga P7,200 pesos apan dili cash ang makuha sa mga driver kay moadto sila sa gasolinahan nga ka partner sa programa unya didto i-swipe ang ilang card para matubilan ang ilang sakyanan. I Ver Diazon
