LUYO sa padayong pagsipa sa kaso sa Covid-19 ubos ang occupancy rate sa intensive care units (ICU) sa General Santos City. Matud ni Dr. Ryan Aplicador, Chief of Hospital sa Dr. Jorge P. Royeca Hospital (DJPRH) misaka sa 38% ang hospital occupancy rate gikan sa ubos nga porsyento sa unang mga adlaw sa Enero.
Nakita nila nga sagad natakboyan sa virus karon ang nakasinati lang og mild sintomas ug daghan ang asymptomatic. Sa 656 active cases sa GenSan naa lang sa 91 o 14% ang admitted sa mga ospital, 29 ang dunay sintomas nga dunay comorbidities.
Naa sa 61 ang makonsidera nga mild cases samtang lima ang moderate, base sa datus gikan kang Dr. Aplicador. Dako sumala pa og natabang sa pagpabiling naa sa safe level sa hospital occupancy sa dakbayan ang taas nga vaccination turnout.
Samtang, una nang gibutyag ni Dr. Fidel Peñamante, Presidente sa local chapter sa Philippine Medical Association (PMA) ang pagkumpyansa sa kadaghanan sa pagsunod sa health protocols ang usa sa rason sa subling pagsaka sa kaso sa virus. I Richel Gubalani
