LEGAZPI CITY – Isinagawa ng Technical Education and Skills Development Authority (TESDA) Bicol ang Training Induction Program (TIP) sa Daraga Human Resource Development Center (DHRDC) Covered Court, Barangay Anislag, Daraga, Albay.
Aabot sa 125 na mga trainee ang nakatanggap ng libreng scholarship programs.
Nasa 100 mga trainee ang nakakuha ng kursong vocational sa Bread and Pastry Production NC II, Bread Making, Cookery NC II at Dressmaking NC II sa ilalim ng Special Training for Employment Program (STEP) Scholarship.
Samantala, 25 naman ang recipients ng Training for Work Scholarship Program (TWSP) na may kursong Driving NC II.
Layunin ng TIP na i- orient an trainees nang STEP at TWSP bago mag-umpisa ang mga programa.
Bukod sa mga libreng kurso, kasali pa sa mga benepisyo ang mga scholarhip na libreng assessment, living allowance, workshop uniform allowance, new normal allowance, accident insurance coverage, starter toolkit at entrepreneurship training.
Ang TWSP layon nito ay maumpisahan ang labor force requirement sa industriya habang ang STEP ay matulungan ang mga ito sa pagnegosyo o kaya sa sariling panghanapbuhay.
