Posible nga masuspendi it tatlong adlaw ro sangka traffic enforcer nga nagpasugot nga magtabok ro sangka babaye sa ‘no jaywalking area’ sa Diversion road, Mandurriao, Iloilo City.
Base sa pamunuan it Iloilo City Public Safety and Transportation Management Office (PSTMO), igto eon sa disciplinary committe ro kaso it enforcer ag sanda eon ro magapaguwa it desisyon.
Nasayuran nga base segun sa pahayag it enforcer, owa man kara ginpasugtan ro baye pero nagpamilit gid raya ag owa man segun imaw it naubra bangud nahuya raya hay gwapa ag sexy ro nasambit nga babaye.
Sa pihak it paathag it enforcer, nakita gihapon it PSTMO ro kakueangan it enforcer sa pagpatuman it anang trabaho. / ANN DESLENE SALAZAR
