KALIBO, AKLAN—Maeapit lang sumampa sa 2,000 do numero it mga nagmaeayad sa probinsya it Aklan matapos nga tamaan it coronavirus disease 2019 (COVID-19).
Base sa datos it Aklan Provincial Epidemiology and Surveillance Unit, nagaabot sa 1,959 do total recoveries sa Aklan matapos nga madugangan it napueo kahapon.
Samtang, nadugangan man it 29 do mga panibag-ong kaso sa probinsya rasun nga sumaka eon sa 2,322 do kabilugan nga kaso kung siin 312 pa kara do aktibong kaso ag nagapabilin man nga 51 do binawian it kabuhi matapos iguan it deadly virus. // SHERRY ANNE REUNIR-VIDAL
