Matapos ro disi-syete dag-on nga pagtago sa batas, ro top 5 most wanted person it Antique hay naaresto eun.
Ro suspek hay ginkieaea nga si Jaime Fernandez; 40 anyos, residente it Barangay Bayo Pequeño, Anini-y, Antique ag nadakop sa Barangay Anahaw 1, Silang, Cavite ku Oktubre 2.
Si Fernandez hay nagtago matapos ginhimo ro pagpamaril ku Hulyo 5, 2004 nga naging rason agud mamatay ro sambilog katawo.
Kasunod sa krimen, ginpasakaan si Fernandez it kaso nga murder.
Uwa it ginrekomenda nga piyansa ro korte para sa anang temporaryo nga kalayaan.
Matapos raya nga ma-aresto, gindaea si Fernandez sa istasyon it pulisya sa Cavite ag nakataeana nga ibalik sa Antique./JIL B. LACSON
