Makakatanggap ng bahay at lupa ang mga 2020 Tokyo Olympics medalists na sina Nesthy Petecio, Carlo Paalam at Eumir Marcial matapos ang kanilang pinakitang galing sa nasabing palaro.
Ayon kay Philippine Olympic Committee (POC) president Abraham Tolentino, deserve ng mga atleta ang nasabing incentive matapos makipagtunggali sa mga mas may experience na mga kalaban.
Natuwa naman ang bronze medalist na si Marcial sa nasabing balita matapos matalo kay Oleksandr Khyzhniak ng Ukraine sa semi-final round.
Inaasahang makakatanggap ng milyun-milyong cash at iba pang pledges kagaya ng lifetime fuel at libreng flights ang apat na atleta kabilang na ang gold medalist weightlifter na si Hidilyn Diaz. `
