Tulo ka tindahan ang gi-isyuhan sa Mandaue Business Permit and Licensing Office og cease and desist order tungod sa pagserve og ilimnnong makahubog sa menor de edad.
Ang tulo ka establisemento nahimutang sa barangay Maguikay sa siyudad sa Mandaue.
Giingun nga ang mga tindahan namaligya ug nagserve og ilimno’ng makahubog sa mga menor de edad atol sa inspeksyun Business Permit and Licensing Office.
Kini human na nga nakadawat sila og reports gikan sa mga concerned citizen. Ang maong mga tindahan nahimutang duol sa tunghaan sa maong barangay.
Matud ni Atty. Walter Shane Lumbre, ang pangu sa Inspection Division sa BPLO nga ang cease and desist order
nagdili sa mga tindahan sa pagpamaligya lang og ilimno’ng makahubog labi na sa mga menor de edad, ubos na sa mga ordinansa sa siyudad.
Ang BPLO kanunay nga nag-inspection sa mga establisemento pagcheck sa ilang mga permits lakip na ang ilang pagtuman sa mga lagda sa ordinansa sa dakbayan.
Sa niaging mga buwan, nakaisyu na usab ang BPLO og cease and desist order sa mga malapason nga negosyo.
Gipahinumduman ni Lumbre ang mga negosyante nga musunod sa balaod aron malikayan nga masilotan.///