Bukas ang Commission on Elections sa suhestiyon na bigyan ng time limit ang mga botante sa bawat polling place sa Mayo a-nueve.
Sinabi ni Comelec Commissioner George Garcia na magandang ikonsidera ang suggestion ng Department of Health pero wala naman aniya talaga kasing oras na ibinibigay sa bawat botante kung gaano kabilis o katagal ang pag-cast ng boto.
Kinumpirma ni Garcia na makikipag-ugnayan sila sa DOH para sa suhestiyon ng departamento na mga protocol sa halalan.
Maliban dito, nilinaw din ni Garcia na walang dapat ipag-alala ang mga may mararamdaman sa araw ng halalan dahil mayroong nakahandang isolation polling precinct .
Giit ni Garcia, agad na sasamahan sa mga nakalaang polling precinct ang sinumang magpapakita ng simtomas ng COVID-`9 sa mismong araw ng halalan. #//(LEO NAVARRO-MALICDEM)
