Nakumpleto na ng Team USA ang kinakailangan hakbang upang makadaos sa ikalawang round ng FIBA World Cup.
Ito’y matapos matambakan ng mga Amerikano ang Greece sa laban nito kagabi, na may final score na 109-81.
Nagtapos si Austin Reaves na may team-high na 15 puntos at anim na assist, habang sina Anthony Edwards at Jalen Brunson ay umiskor ng tig-13 puntos.
Sa ngayon, nakapagtala ng 2-0 sa tournament ang Team USA at makakaharap ang nangungunang dalawang koponan mula sa Group D, ang Montenegro at Lithuania.
