Boluntaryong ginsurender it tatlong ka mangunguma nga taga Badiangan, Pandan, Antique ro andang mga armas sa 3rd Maneuver Platoon sa Brgy. Agdugayan, Ibajay, Aklan.
Ro mga ginsurender nga armas hay daywa ka unit it homemade Gauge 20 single-shot rifle; sangka unit it homemade Cal. 22 single shot rifle kung siin, tanan hay owa it markings ag bala.
Gindaea ro mga armas sa Ibajay Municipal Police Station para sa documentation ag ginturn-over sa Supply PNCO it 2nd Aklan Provincial Mobile Force Company para sa disposal.
Ro pagsurender it mga armas hay kaparte it pagpabilin it katawhayan ag kaayusan sa komunidad. // ANN DESLENE SALAZAR