Pareho nga ninahan ro tatlo ka mga indibidwal kat aksidente nga mabangga it motorsiklo ro nakaparada nga tricycle sa Balete, Aklan.
Base sa imbestigasyon it mga otoridad, ginkilaea ro mga biktimang nga kanday Jorly Ambrocio, 55 anyos it Morales, Balete, driver it tricycle, John Ronald Velasco, 19 anyos driver it motorsiklo, ag angkas kara nga si Ryan Navarra, 18 anyos, mga residente it Calizo, Balete.
Base sa pahayag ni Ambrocio, nakaparada eamang segun ro anang trycicle sa gilid it kaesada ag hakibot eun eamang raya kat bigla eun eang nga may nabangga nga motorsiklo sa anang seakyan.
Bangud sa mabaskog nga impact, napilak sa sueod it tricycle ro sambilog sa mga sakay it motorsiklo.
Nag-angkon it mga gasgas sa eawas si Ambrocio ag presente nga sa ospital kanday Velasco ag Navarra.
Sa presente, padayon man ro imbestigasyon it Balete PNP sa insidente./JIL B. LACSON
