NAKAREKOBER na ang siyam ka recorded cases sa Covid-19 Delta variant sa GenSan, butyag ni Dr. Rochelle Oco, City health officer. Ang siyam ka kaso ang gikalambigitan sa usa ka Returning Overseas Workers (ROF) ug walo ka local cases.
Nasuta nilang positibo sa maong variant sa virus ang ROF nga residente sa usa ka barangay sa GenSan. Human kini gipailawom sa pito kaadlaw nga isolation luyo sa pagbitbit og negatibong resulta sa RT-PCR test gikan sa kaulohan.
Pipila kaadlaw isolation facility, nakitaan kini og sintomas rason sa pagkuha og sample ug pagpailawom sa proseso. Migula ang resulta gikan sa Philippine Genome Center (UP-PGC) nga positibo sa nasangpit nga variant sa Covid-19 ang maong indibidwal. Gilayong gi-isolate ang mga closed contact ug migula sumala pa nga negatibo sa Delta variant.
Luyo sa hugot nga bio-surveillance, giangkon ni Oco nga dili siya ‘confident’ nga wala nay matalang kaso sa maong variant sa siyudad. Hinungdan sa panawagan niini sa publiko nga hugtan ang pagsunod sa minimum health protocols ug magpabakuna batok sa virus. (Richel Gubalani)
