GIHINGUSGAN ni Buayan Brgy.Kagawad Lambac nga bisan dili niya lingkuran ang pagka-OIC kapitan human gipakanaugan og preventive suspension si Kapitan Rogelio Solis.
Gitino ni Lambac nga wala niya nasilbihan ang pagka-OIC kapitan tungod sa walay petsa nga pagpagawas sa mando alang kaniya, mapasalamaton gihapon kini tungod napahibalo sa katawhan nga sila sa barangay council nakigbatok sa hiwing mga binuhatan.
Ang maong preventive suspension nga 15 ka adlaw batok kang Solis ang tungod sa kaso nga gipasaka ni Kagawad Bañas ug may duha pa kaso nga gipasaka sa mga kagawas sa Brgy.Buayan ngadto sa Sangguniang Panlungsod batok gihapon kang Kapitan Solis. Matud ni Lambac nga bisan si City DILG Director Rilimin Sandoval nakig-istorya kaniya niadtong Lunes nga kini ang mulingkod isip OIC Kapitan, apan gitino nga nalibog siya tungod wala may bulan, petsa, ug tuig nga nakabutang.
