SUBLING giawhag sa health authorities sa General Santos City ang publiko nga magpabakuna na kontra Covid-19. Human migula nga naa sa 85% sa na-ospital nga Covid-19 cases ang wala pa nabakunahan.
Matud ni Dr. Rochelle Oco, City health officer sagad sa na-ospital ang moderate, severe ug critical cases. Samtang dako ang porsyento sa mga ‘fully vaccinated’ ug nakadawat og partial dose sa bakuna ang asymptomatic ug dunay mild symptoms.
Ang dili bakunado dunay dakong tyansa nga matakboyan sa virus, 11 times nga posibilidad nga mahimong severe o kritikal ang kondisyon. Gihingusgan ni Oco nga epektibo ug luwas ang mga bakuna tungod miagi kini og makuting pagtuon bag-o paman giaprubahang gamiton.
Sa GenSan, nakatabang ang padayong vaccination rollout sa pag-ubos kaso sa nasangpit nga virus. (Richel Gubalani)
