Gipasigarbo sa Tagum City nga napili ang maong dakbayan isip 2021 Most Business-Friendly LGU in the Philippines ubos sa City Level 2.
Kaniadtong Nobyembre 18, 2021 pinaagi sa zoom, pormal nga gipasidunggan ang LGU Tagum City sa maong award sa sa Philippine Chamber of Commerce and Industry (PCCI).
Ang maong award nagpamatuod matud pa sa padayon nga pagpaningkamot sa LGU Tagum City nga tabangan ang mga negosyante nga makamuntar sailang negosyo ingon man paghatag og oportunidad sa mga Tagumenyos nga maka-trabaho.
Nasakmit ang maong pasundayag subay sab sa stratehiya nga gipatuman sa Tagum City sama sa walay hasol nga pag proseos sa pagkuha ug renew sa business permit karong panahon sa pandemya.
Kahinumdoman nga mao na kini ang ikaduhang higayon nga na top sa listahan ang dakbayan sa Tagum isip equally competitive cities sa Pilipinas.
