Naka angkon it lastro sa kaeawasan ru tag-ana it baraka matapos nga uwa mag baligya it aeak sa suspek Brgy. Tigayon, Kalibo, Aklan.
Sa imbistigasyon it Kalibo MPS, nakilaea ru biktima nga si Felix Torres, 39 anyos ag residente it Brgy. Linabuan Norte, Kalibo, ru tag-ana it baraka.
Nakilaea ru suspek nga si Marlon Asonada, it nasambit nga lugar.
Gina buoe eon konta it tag-ana’t baraka ru bayad it aeak sa suspek apang uwa it may tinaong kwarta.
Gin kaugot it suspek ru pagsukot ag ikara binayo ru biktima.
Nahimo pang rumisbak ru biktima sa suspek apang ku ulihi hay gin pulihan it suspek kaibahan ru anang unga nga si Nonoy Asonada rason nga nalipong ru biktima.
Samtang, gin refer it mga kapulisan sa barangay justice system ru insidente.//MARIVIC Y. ILIN
