PANGGASTOS matag adlaw ug kaluoy sa mga empleyado nga nawad-an og trabaho ang gihuna-huna karon sa usa ka beauty salon owner sa GenSan.
Kini dungan sa subling pagpailawom sa siyudad sa estriktong General Community Quarantine (GCQ). Asa usa sa apektado mao ang mga salon tungod wala sila gikonsiderang essential rason nga gikan karong adlawa hangtud sa Hunyo 30 sarado sila.
Matud ni Michelle Academia, tag-iya sa salon sa Alexas salon sa Purok Malakas, Barangay San Isidro nagtuo sila nga makarecover na sila.
Gikan sa pila ka bulan nga lockdown nakalabay’ng tuig apan nahugno sila subli karon tungod sa subling pagmandu sa pag-undang sa ilang operasyon. Luyo niini, naglaom si Michelle nga dili na malugwayan ang adlaw nga undang ang ilang operasyon. ( Richel Gubalani)
