-Daina Gerona
KABANKALAN CITY, Negros Occidental — Nag-ariglohanay na ang tag-iya sang punong kag ang pamilya ni Henry Guanzon matapos ini ang gina-alegar nakuryente-patay sa So. Bita, Brgy. Suay, Himamaylan tinalikdan nga semana.
Madumduman nga sa una nga pagpanghusisa sang Brigada Kabankalan, nagpamayle kag hubog ang biktima bag-o ini nasapwan nga wala na sang kabuhi sa kilid sa higad sang suba ukon sa pihak nga bahin sang kahon sang punong.
Dugang pa, may pagduda man ang isa sa utod ni Henry nga kun paano ini nakasulod sa punong ang iya nga utod sa rason nga napalibutan sang kudal ang likod nga porsyon sang punong.
Panindugan naman sang tag-iya sang punong nga si Resurrecion Buoy, wala sang live wire bangud nga wala na ini sang unod kag wala man sang bantay, apang wire lamang sang kuryente sang suga nga nagapalibot sa punong.
Ginklaro man ni Buoy nga sang una nga may yara sang alagyan ang amo nga punong, apang sa pagsugod nila sini kultibar bangud nga nangin private property na rason nga il ana ini nga ginsirad-an kag wala na ginap-agyan sa mga naga-short cut sakay sa baruto lapos sa Barangay Bagacay.
Nahibaluan nga may yara gid man sang kinawatay nga nagaluntad sa amo nga area, kag may nakita man nga agi sang lampos sa likod nga bahin sang biktima.*