Umapela si Senator Christopher Lawrence “Bong” Tesoro Go, sa Department of Agriculture nga kung pwede hay unahon nga buligan ro probinsya it Aklan pinaagi sa pagtao it Anti-African Swine Flu okun ASF measures agud masolusyunan ro nasambit nga problema.
Sa interview it Brigada News FM Kalibo sa Senador, 10 ka banwa sa Aklan ro napabahin sa red zone matapos iguon it ASF, ag raya hay rong Kalibo, Altavas, Makato, Batan, Tangalan, Lezo, Ibajay, Numancia, Malay ag Nabas.
Suno kay Senador Bong Go, ginpaidaeum eon ro Aklan sa state of calamity tuga it ASF kung siin, mahimo magamit it probinsya ro calamity fund, ag bilang miyembro it Committee on Agriculture, owa imaw naila nga may magutuman bangud sa ASF rasun nga nagapanawagan imaw sa DA nga buligan ro Aklan. // ANN DESLENE SALAZAR
