Sweldu it medical health workers sa nasyun, dapat taasan –Sen. Bong Go

Masubo ag makaalarma ro pagsangkiri it mga health workers iya sa Pilipinas suno kay Senador Bong Go, ngani importante nga taasan ro sweldu ag bayaran ro andang health emergency allowance.

Nagapati ro senador nga dapat bayaran eon ro mga health workers eabi eon ro mga nagserbisyo ku panahon it pandemya bangud sanda ro nagserbing hero, ngani dapat itao eon kanda raya sa madali nga panahon.

Para indi segun mawad-an it gana ro mga medical health workers nga magtrabaho iya sa nasyun, dapat unahon andang take home pay agud mabayran it maayos ro andang pinangabudlayan.

Samtang, may laye eon segun nga ginatawag nga Doktor para sa Bayan, raya hay scholarship ag return to service progam, ag ro ginahimo it senador nga pagpanami sa kalidad it serbisyo ag medical facilities sa mga government hospital. // ANN DESLENE SALAZAR

Leave a Reply

Your email address will not be published. Required fields are marked *