SUBLING nagpaghimangno ang Social Security System (SSS) sa mga employers nga siguradohon ang ilang compliance.
Kini dungan sa pag-issue sa SSS- South Mindanao II Division og notice of violation sa 42 ka mga establishment owner.
Matud ni Noel Nacion, Senior Communication Analyst sa SSS ang maong mga establisihmento ang nasunod nilang non-complaince.
Subli usab nilang bisita ang ubang establisimento pinaagi sa Run After Contribution Evaders operation.
Pahimangno ni Nacion, gimanduan ang tanang negosyo nga magparehistro sa SSS. Samtang mokabat usab sa P14 milyon ang kinatibuk-ang kantidad sa wala nabayaran nga premium sa mga empleyado sa maong mga establisimento. I Richel Gubalani
