LEGAZPI CITY – Naarestar sa Metro Manila an lalaking pigkokonsiderar na City Most Wanted Person kan Tabaco City huli sa kasong pang-aabuso nin aki.
Binisto ining si alyas “Rosalino”, 66 anyos, may agom asin residente kan Brgy. Kalawaan, Pasig City.
Susog sa report, naarestar ini sa kusog kan mandahamiento de aresto para sa nasambit na kaso o an pagbalgar sa Sec. 5 (B) kan Article III sa irarom kan Acta Republika numerado 7610.
Maabot man sa PHP200,000 an kantidad nin piyansang inirekomendar kan korte para sa saiyang temporamenteng libertad.
Itinurnover naman kan Pasig CPS an suspetsado sa Tabaco CPS para sa magkakanigong disposisyon.