Umaasa ang mahigit kalahati ng mga Pilipino na matatapos na ang COVID-19 crisis ngayong taon.
Sa resulta ng latest Social Weather Stations survey, na isinagawa noong Dec. 12-16 ng nakaraang taon, lumalabas na 51% ng mga Filipinos ang nakikita matatapos na ang pandemya ngayong taon, habang 45% ang naniniwalang lampas pa ng 2022 matatapos ang global health crisis.
Ang expectation na matatapos ang pandemya ngayong taon ay mataas sa Mindanao sa 62%, sinundan ng Balance Luzon o mga lugar na nasa labas ng Metro Manila sa 51%, National Capital Region sa 49%, at sa Visayas sa 41%.
Samantala, lumalabas rin sa survey na 51% ng mga respondents ay pabor na ipasa ang batas na magrerequire sa mga Pilipino na magpabakuna laban sa COVID-19; 31% ang hindi pabor at 17% ang nananatiling undecided.
Parehong percentage rin ng mga respondents ang pabor na ang mga unvaccinated workers ay dapat magpresenta ng negative RT-PCR test kada dalawang linggo para payagan silang makapasok sa trabaho, 35% ang disagree, at 14% ang undecided. //MHELPACIA-TRINIDAD
