Inihayag ng Vaccine Expert Panel (VEP) na ang 4th anti-COVID vaccine dose na booster shot ay maaring ibigay sa mga immunocompromised.
Ayon kay VEP chief Dr. Nina Gloriani, na dahil ang mga immunocompromised ay nakatanggap ng tatlong primary series ng COVID-19 vaccine, ang kanilang pang-apat na dose ay maaring magsilbing booster shot.
Sa ngayon, nagbibigay ang Department of Health (DOH) ng third doses para sa mga senior citizens at immunocompromised, habang booster shots naman ang ibinibigay para sa mga nakatapos na tatlo hanggang anim na buwang requirement, matapos tumanggap ng second dose.
Sinabi naman ni Gloriani na hindi pa tinatalakay ng gobyerno ang plano kaugnay sa pagbibigay ng ikalawang booster shot, dahil wala pang sapat na datos para dito.
