Padayon nga gina monitor it mga kapulisan ru suspek sa sunod-sunod nga pag panakaw sa Jaime Cardinal Sin Ave. Brgy. Pook, Kalibo, Aklan.
Sa CCTV footage, nakita ru suspek nga sangka eaeaki nga unang tumakaw it cash nga naga balor it P20,000 sa Jocelyn’s Store nga naka butang sa maisot nga lata sa nasambit nga lugar.
Samtang, may tinakaw man ru suspek nga maisot nga bag color itom nga may sueod nga mga IDs ag iba pang mga importanteng dokumento sa baealigyaan it karne‘t babaoy sa kaparehong adlaw.
Gina patihan it mga residente nga taga-una man sa lugar ru suspek.
Sa makaron, padayon pa ru imbisitgasyon it Kalibo MPS.
Kun matandaan, bago ru sunod-sunod nga panakawan, nagsueod man ru suspek sa sangka lechonan it manok sa nasambit nga lugar.//MARIVIC Y. ILIN
