Nasubu-an sa pagkamatay ni Mrs. Jonalyn Arcenio Maribojo ru pamunu-an it Aklan Provincial Police Office (APPO).
Suno kay PCol Ramir Perlito P Perlas, PD APPO sa Aklan Provincial Police Office (APPO), masubo ru anang baeatyagon dahil pareho sandang nga taga-Numancia ag makabig nga challenge sa anang pamumuno sa APPO ru natabong krimen.
Sa makaron, maga file eon it kaso ru PNP sa primary suspek nga si Bernie Tipay, 40 anyos it Brgy. Navitas, Numancia, Aklan ag iga sunod man ru mga imboldado sa krimen.
Ingkasong makomperma it mga kapulisan nga may una nga link sa pag patay ru ibang individual maliban eamang sa mga suspek ay maga pangatubang man it kaso.
Gin pahayag ni Perlas nga hasta sa Iloilo hay may closed monitoring ru intelligence it PNP sa mga suspek dahil nakita sa probinsya’t Capiz ru puting van nga nagsilbing get-away vehicle sa krimen.
Kun matandaan, binaril patay si Mrs. Jonalyn Arcenio Maribojo sa sueod it tricycle samtang naga hueat it driver sa Sitio Looban Brgy. Camanci Norte, Numancia, Aklan paadto sa anang trabaho.//MARIVIC Y. ILIN
