Arestado ang nga suspect sa pagpangawat sang ‘baka’ nga ginsakay pa sa Van sa Don Salvador Benedicto kaina alas 4:00 sang aga, Hulyo 19, 2021 sa Purok Maisan, Brgy Bunga, Don Salvador Benedicto.
Ang mga suspect ginkilala kay Clyde Ersida, Jerry Genelaso kag Rollie Francisco kag tanan residente sang syudad sang Bacolod.
Nadugangan pa ang kaso nga pagapangatubangon sang mga suspect matapos nakuhaan ang mga ini sang isa ka 38 pistol, loaded kag 7 ka bala. Lakip man sa narekober sang Don Salvador PNP ang 0.4 gramos sang ginasuspetsahan shabu nga may estimated DDB value nga 3,000 pesos.
Sa karon ang mga suspect magapangatubang sang kaso paglapas sang PD 533 ukon anti Cattle Rustling law, RA 10591 illegal firearms and ammunition kag RA 9165 ukon comprehensive dangerous act of 2002.
